سوالف راس القدو: سنانير المجنسين.. ما في غير الختان

البحرين اليوم – (راس القدو)

أنا صراحة لساني متّبري منّي في أي سالفة فيها مجنس خايس.. ويش أسوّي يعني.. شايب ومرفوع عنّي القلم.. مثل ما اتقول أم علاّوي.

لو اتقولون ليي ويش نفسك اتسوي في هالحزّة اللّي اتكون فيها مكنكن ويّه القدو.. فما راح تسمعون منّي كلام نظيف.. سامحوني.. أنا على لساني سبيب ولعاين قدْ مرفأ أبو دينار وطول خشم ناصروه ولد رامبو.. لو زين أنا في صحّتي أحين، وأقدر أشيل ليي غرشة أو فنتين.. شان رميتها على هالنجسة المجنسة.. أميرة المصرية.. ولحقت وَره ذاك الجلب البعثي اللّي يبي يطردنا من البلد.. نفسي أصيد لمعفّن محمد الجرب، كِنتْ ختّنته مثل السنانير لمْجربة ورميته في السمادَة..

أنا اتعوّدت اتحمّل وأشيل أشيا واجد، خاصة بعد ما جوّدوا ولدي علاوي وسجنوه، بس هالانجاس الوسخين اللي طالت عصاعصهم وشمّخت علينا.. ما اتحملهم أبدْ.. هاذلين سم اضروسي.. الواحد يصبر على واحد اثنين فلافة من المجنسين.. وبشرط إيكونون أوادم متربين، ويحترمون البلد وأهله.. بس هاذلين مو نفر أو نفرين.. طلعوا فوق العدْ والحساب.. ومن أوسخ البشر.. وقريبْ راح يشوتون أهل الديرة برّه.. اشلون الواحد يتحمّل خياس داخل بيته..؟!!

بسبب هذا الموضوع.. أنا بالنسبة لي أي واحد.. لابسْ عمامه أو بشت أو كوت مخطّط.. أو هندرويل بعد.. أي واحد بيجي ليي ويتكلم عن انتخابات.. وقعده ويه السرسري حمد وخلفوه.. وتبويس اخشومهم اللي كلها نغف.. اي واحد يبي يحشّي في راسي أو راس الناس هالحجي، راح أحشْ فيه.. وما راح أقصّر والله العظيم.. خلاص يا جماعة، كفاااااية.. إلى متى؟ إلى متى تنزلون روحكم واتّسلمون مصيركم إلى حرامية وجزارين تعرفون إنهم قاعدين ليل نهار يشتغلون عشان يخلونكم هنود الخليج.. مو من اليوم أو أمس.. من زمااان.. بس طيبتكم خلّتكم هبلان واجد.. إي هبْلان.. واسمحوا ليي أقول هالكلام.. لأن اللّي يشوف روحه قاعد يتقطّع من بلده، ويشفطون وجوده ودينه ومذهبه قدّام عيونه، ويخلون في مكانه أوسخ وأنذل خلق الله.. وبعدين يجي يتْرقّص ليي ويتكلم عن لحوار والمحبة ولهرار هذا.. اللّي ايسوي هذا عقله مضروب.. فيوزه محروق، وأم الديفان لاعنه في حسبته.. ويمبّه ليه ضربة على راسه براس هالقدو… يمكن يوتعي شوي..